Det vart ein vellukka trimkveld for alle som stilte til start i den fire kilometer lange løypa.

Av dei som var opptekne av å springe fort, var det igjen Torild Kveberg frå Øystese, som var raskast av kvinnene på 18,35. Etter henne kom Ingrid Knutsen frå Nymark IL og Ingunn Hildonen Teigland, også ho frå Øystese.

Blant gutta var det Strandebarms eigen Ove Måge som også denne kvelden var fyrst i mål. Han fekk tida 15,10. Knapt eitt minutt etterpå kom syskenbarnet hans John Olav Måge. Lars Mundheim Oma kom i mål tolv sekund etter han igjen.

I tillegg til deltakarar frå Strandebarm, var det god deltaking frå elles i Kvam; særleg Norheimsund og Øystese. Mange unge gutar frå eit fotballag frå Norheimsund var på plass. Hovudmålet for fleire av dei var å vøre raskare enn trenaren sin Håkon Hjartnes. Han sprang godt og kom inn på den sterke tida 17,02. Likevel måtte han slå seg slegen av nokre av spelarane sine. Veddemålet er vistnok  at han må bade i fjorden, men det er visst ikkje bestemt kor tid. Sjølv føretrekk han å gjere det om sommaren, sa han med eit smil.

Amalie Svåsand Måge vart den heldige hovudpremien på kr. 500,- til bruk på Mo Sport i Norheimsund. Ho har trass sin unge alder, mange startar i vinterkarusellen. Bror hennar Sondre (13) sette ny pers med tida 16,49. Alt i alt vart det ein fin fljulskveld, med koseleg julastemning og god innsats og flott løping. Vinterkarusellen tek julapause, men er allerede i gang att tysdag 2. januar klokka 19. Me ynskjer alle ei fin juletid, og håpar at folk får høve til også litt trening og springing i juletida. Strandebarm Idrettslag ynskjer alle ei god jul og eit godt nytt år!    

Resultat 4. løp 2017/18, 12.desember